Weliko Tarnowo

Weliko Tarnowo oder Veliko Tarnovo [vɛˈliko ˈtɤrnovo] (bulgarisch Велико Търново), au nume: Tarnowo, isch e Stadt z Bulgarie mit öbbe 71'000 Iiwooner (Stand 14. Juni 2007). Si isch dr Sitz vo dr Verwaltig vo dr Oblast mit em gliiche Naame (Bezirk) und vo dr Gmäind Weliko Tarnawo. S Oberzentrum lit im nördlige Däil vom Balkangebirg an dr Jantra. Weliko Tarnowo isch d Hauptstadt vom Zwäite Bulgarische Riich gsi. D Stadt isch e wichdige Vercheersknote an dr bulgarische Nord-Süd-Rute und dr Flughaafe Gorna Orjachowiza isch in dr Nööchi. D Stadt isch in vilem e Industriistadt (Naarigs- und Gnussmiddel, Maschinebau, Teggstilindustrii), si isch aber au e kulturells Zentrum mit Hochschuele, Theater, Gmäldegalerie und Museum.